“Heben” by bhonj

Rusngiit nga uray la gumigis
Arutittit nga sumaplit arigem palsiit
Ngem no talyawem iti aglawlawmo ikit
Awan sabali no di ni Johnny, inka masirit.

Kabayatan iti nagkaado a sagubanitna
Agsusukot, agtutupatop, agsasanga
Maalananto payla’t aggarakgak, agkatawa
Uray na la itangad-tangad, natnag gayam pustiso na.

Arak ti maysa nga inna pangliwliwa
Pammigat, pangngaldaw,pangrabii isu’t danumna
No kastigarem, pampaimas pangan kunaen na kenka
“Ket di mo paylang ilabay”, inka isungbat, ay sultakennaka.

Intunno makaadon, isaganam da bagin
Di mapugsatan ti sao, karyarenna amin
Dayta ni Johnny, katatao na’t managbabain
Ngem no makainom, Diyos ko, mangibabain.

Kiwar ditoy, pinggit dita, dayta’t inna iyul-ulo
Nalaing nga umanunsyo, uray pinagbulan ti baket a kubbo
Ipustananto pay amin a di mangan-ano
Ngem no naatap ni gasat, agtinnagton a tuyo tay adobo.

Awan la’t di awan, tila adda paylang inda masangsango
Siam ti nagsasaruno, adda pay ubba nga agsussuso
Di payen mapunas a buteg, agkaraiwara nga isbo
Ngem no simmangbay da rabiin, dayta manen Apo, otso-otso.

Kastoy ti kasasaad iti kaaduan a Pilipino
Nakakatkatawa a kunaem ngem isu’t pudno
Narway unay inda panagsarak ti rag-o
Sadanto laeng mautob iti nasayaat,
dimmagadanton ken dimmapo.

ARIEL “Bhonj_” AGNGARAYNGAY, is a native of Solsona, Ilocos Norte and a third-year Civil Engineering Student in MMSU.

6 Comments

Filed under Happiness, Iluko, poems

6 responses to ““Heben” by bhonj

  1. Very witty! Nice rhymes…

    Effective ang banat in light humor.

  2. Herdy La. Yumul

    Yes… and I’m a fan.

  3. tita lita

    uray no diak maawatan ti dadduma.i still say it is a good poem and kudos to the writer we need more of these . let us promote ilocano writing.

  4. mangaskasaba ngem napintas a pangrugian. naynayem ti agputar, Ariel!

  5. mangaskasaba. ngem napintas a pangrugian. naynayem ti agputar, Ariel!

  6. mangCaloy

    nagmayat nga dengdenggen , nu mabasa dagiti mammartek ay sus apo kitam nu handa tumangken ti bain.
    adut amammuk a kastoy agsusukot ti anak da uray awan py pagpagatas da. ay ina gwantaan da lattat pinagaramid da.
    aya apo aya sapay kuma ta agbaliw ti kakasaad da.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s